त्रिपुरासुन्दरी र मेलौली

भारतको कुमाउँसँग सिमाना जोडिएको बैतडीको संस्कृति धेरै हदसम्म साझा छ: ढुंगाका शिखर शैलीका देवल, देवी पूजा र देउडा गीत। सदरमुकामनजिकको त्रिपुरासुन्दरी र दक्षिणतिरको मेलौली भगवती यहाँका प्रमुख देवस्थल हुन्, दसैंमा भीड लाग्ने।

जिल्लाका मन्दिर र ढुंगेधाराले कुनै बेला महाकालीका दुवैतिर शासन गर्ने कत्युरी र चन्द वंशको छाप बोकेका छन्। डडेल्धुराबाट सल्ले पहाड हुँदैको यात्रा सुन्दर छ।